CHHAL KAPAT new garhwali song 2020

CHHAL KAPAT SONG LYRICS

 

 डांडा आछरियों का बंण सुबदा यखुली नी जैई..x2

छल कपट ह्वैई जालु छोरी छलेई न रैई...x2

मेरा गौं की बात छन यार मैमा जादा तू ना बोली..x2

यखुली रैण्या निन मैन गैल्याणी दगडा मा होली..x2

आंछरियों का बण सुबदा यकुली न जेई..x2

खिखचाट न करी जादा खिखोला न लैई

ओहो खिखोला न लैई

घमाल्यां बगत लठयाली सुबदा रतकाली न जैई

छल कपट ह्वैई जालु छोरी छलेई ना रैई.....

सुबेरा कु घाम झिंलगी गौं का बिडवाल..x2

दगडियाणी जागंणी होली गौं खुलीं जग्वाल

अंहा गौं खुलीं जग्वाल

देवथली भुमि छन यख छोरा भिंडि तु ना बोली

यखूली रैण्या निन मैन गैल्याणी दगडा मा होली.....

 शैरा गौं का बोदा सुबदा तु किसाण भारी..x2

काम काज खेती बाडी लगी‌ं सारा सारी

ओहो लगीं सारा सारी

बार त्यौहार हरची सुबदा थौलु मेलू जैई

छल कपट ह्वैई जालु छोरी छलेई ना रैई.....

कैन बोली कैमा सुंणी कु किसाण जादा..x2

पकोण्या छुंई लगै न तू क्या तेरा इरादा

अंहा क्या तेरा इरादा

रोट शिरफल चडोलु घिची जादा तू ना खोली

यखूली रैण्या निन मैन गैल्याणी दगडा मा होली....